Вы тут

Стартуе конкурс МУС “Я выбіраю правільны шлях!”


Для таго, каб прывіць падлеткам здаровы лад жыцця і папярэдзіць супрацьпраўныя паводзіны, Міністэрства ўнутраных спраў сумесна з іншымі дзяржорганамі з 20 сакавіка да 1 чэрвеня праводзіць рэспубліканскі дзіцячы конкурс матыватараў “Я выбіраю правільны шлях!”


Матыватар — пазітыўная выява (фатаграфія, плакат, малюнак), у якім ёсць тлумачальны, матывуючы або стымулюючы надпіс што-небудзь зрабіць, змяніць або ўстрымацца ад дзеянняў, памяняць погляд на той ці іншы прадмет.

Прыняць удзел у конкурсе могуць усе ахвотныя ва ўзросце ад 6 да 18 гадоў. Для гэтага неабходна накіраваць да 1 чэрвеня на электронны паштовы адрас konkurs-motivatorov2017@yandex.ru матыватар прафілактычнай накіраванасці па тэматыцы: фармiраванне законапаслухмяных паводзінаў і пазітыўных установак, прапаганда здаровага ладу жыцця, захаванне культуры паводзінаў і захаванне сямейных каштоўнасцяў.

Матыватар афармляецца ў выглядзе выявы з каментарыем (слоганам) у файле фармату JPEG (.jpg). Малюнак, які ілюструе ідэю, павінен быць заключаны ў рамку (яна не павінна быць чорнага колеру), акружаную фонам. Памер файла матыватара не павінен перавышаць 2МБ. У стварэнні матыватара могуць прымаць удзел не больш за два чалавекі.

Пры накіраванні работы на конкурс варта пазначыць: назву работы, прозвішча і імя аўтара (аўтараў), узрост і нумар тэлефона. Да матыватара абавязкова варта прыкласці апісанне асноўнай ідэі.

Работы дасылаюцца на бязвыплатнай аснове і вяртанню не падлягаюць. Запазычаныя з інтэрнэту (плагіят) работы да ўдзелу не дапускаюцца. Арганізатары пакідаюць за сабой права некамерцыйнага выкарыстання дасланых матыватараў, удзел у конкурсе азначае згоду аўтара на далейшае выкарыстанне яго работ без выплаты ўзнагароджанняў. Лепшыя работы будуць тыражыравацца, размяшчацца ў грамадскіх месцах, а таксама выкарыстоўвацца пры правядзенні прафілактычных акцый.

Па выніках конкурсу журы вызначыць аўтараў, якія занялі 1,2 і 3 месцы, а таксама лаўрэатаў у дзвюх узроставых групах: 6-11 і 12-18 гадоў.

Пераможцаў чакаюць прызы, якія будуць ім урачыста ўручаны 16 чэрвеня ў Мінску.

Сяргей РАСОЛЬКА

Дадаць каментар

Выбар рэдакцыі

Грамадства

Прэзідэнт добраўпарадкаваў Трафімаву крыніцу на Шклоўшчыне

Прэзідэнт добраўпарадкаваў Трафімаву крыніцу на Шклоўшчыне

Трафімава крыніца была адноўлена некалькі гадоў таму па даручэнні Прэзідэнта.

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Кіраўнікі дзяржорганаў будуць працаваць на суботніку на сваёй малой радзіме.

Грамадства

Мінфін устанавіў парадак пералічэння заробленых на суботніку сродкаў

Мінфін устанавіў парадак пералічэння заробленых на суботніку сродкаў

Пастанова апублікавана на Нацыянальным прававым інтэрнэт-партале.

Грамадства

Хобі звычайнага студэнта пераўтварылася ў інтэрактыўны музей

Хобі звычайнага студэнта пераўтварылася ў інтэрактыўны музей

Ці ведаеце вы, што першы ў свеце ноўтбук важыў больш за 20 кілаграмаў, а першы планшэт меў дыскавод для пяціцалёвых дыскет?