Вы тут

Буйнейшы ў краіне медыцынскі форум BelarusMedica стартуе заўтра


Ён уключае ў сябе міжнародныя спецыялізаваныя выставы “Аховы здароўя Беларусі”, “ФармЭкспа” і “Стаматалогія Беларусі”. Арганізатарам “Аховы здароўя Беларусі” выступае Міністэрства аховы здароўя і выставачная кампанія “Тэхніка і камунікацыі” (T&C).


Фота: doctor-fomin.narod.ru

Штогод выстава збірае ў Мінску каля 200 вядучых вытворцаў і дыстрыб’ютараў абсталявання, паслуг, медыкаментаў, вырабаў медыцынскага прызначэння з Беларусі, Балгарыі, Германіі, Ізраіля, Індыі, Кітая, Латвіі, Польшчы, Расіі, Славакіі, Украіны, Чэхіі, Швейцарыі, Эстоніі. Краінай-партнёрам сёлета выступіць Рэспубліка Індыя, якая прадставіць аб’яднаную экспазіцыю 50-ці індыйскіх кампаній.  

“Сучасныя інавацыйныя рашэнні і тэхналогіі ў медыцыне мы сёння ўкараняем у паліклінікі. Неабходна больш інтэнсіўна развіваць тэхналогіі замяшчэння стацыянара, арганізоўваць папярэдняе абследаванне і далечванне пацыента ў амбулаторна-поліклінічных умовах, развіваць хірургію аднаго дня, адкрываць дзённыя стацыянары ў шпіталях, — падкрэслівае міністр аховы здароўя Рэспублікі Беларусь Валерый МАЛАШКА. — Менавіта ў паліклініках сёння павінны быць сканцэнтраваны спецыялісты, медыцынскае абсталяванне. Гэта задаволіць на працягу аднаго дня патрэбы пацыенты ў дыягностыцы і правядзенні некаторых медыцынскіх умяшанняў. І на выставе “Ахова здароўя Беларусі” мы ўбачым такое высокаякаснае і сучаснае абсталяванне, якім аснасцім нашы паліклінікі і ўстановы аховы здароўя ў бліжэйшы час”.      

Форум адкрыецца 21 сакавіка ў 12.00 па адрасе: пр. Пераможцаў, 20/2, Футбольны манеж. Час работы: 21, 22 і 23 сакавіка — з 10:00 да 18:00. 24 сакавіка — з 10:00 да 15:00. З праграмай форуму можна азнаёміцца на сайце: http://www.tc.by/download_files/2017/med/17mfeventsnew.pdf.

Святлана БАРЫСЕНКА

Дадаць каментар

Выбар рэдакцыі

Грамадства

Прэзідэнт добраўпарадкаваў Трафімаву крыніцу на Шклоўшчыне

Прэзідэнт добраўпарадкаваў Трафімаву крыніцу на Шклоўшчыне

Трафімава крыніца была адноўлена некалькі гадоў таму па даручэнні Прэзідэнта.

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Кіраўнікі дзяржорганаў будуць працаваць на суботніку на сваёй малой радзіме.

Грамадства

Мінфін устанавіў парадак пералічэння заробленых на суботніку сродкаў

Мінфін устанавіў парадак пералічэння заробленых на суботніку сродкаў

Пастанова апублікавана на Нацыянальным прававым інтэрнэт-партале.

Грамадства

Хобі звычайнага студэнта пераўтварылася ў інтэрактыўны музей

Хобі звычайнага студэнта пераўтварылася ў інтэрактыўны музей

Ці ведаеце вы, што першы ў свеце ноўтбук важыў больш за 20 кілаграмаў, а першы планшэт меў дыскавод для пяціцалёвых дыскет?