Вы тут

Казахстан і Беларусь будуць абменьвацца вопытам у заканатворчай сферы


Парламентарыі Казахстана і Беларусі дамовіліся больш актыўна абменьвацца вопытам у заканатворчай сферы.

Аб гэтым пасля сустрэчы дэлегацый нашых краін паведамілі на брыфінгу ў Мінску старшыня Палаты прадстаўнікоў Нацыянальнага сходу Уладзімір Андрэйчанка і старшыня Мажыліса (ніжняя палата) парламента Казахстана Нурлан Нігматулін.


Старшыня Мажыліса парламента адзначыў, што дзякуючы канструктыўнаму ўзаемадзеянню прэзідэнтаў Казахстана і Беларусі скаардынавана вырашаюцца задачы як у двухбаковым фармаце, так і ў інтэграцыйных аб'яднаннях. «У сувязі з гэтым першачарговая задача парламентарыяў — забяспечыць эфектыўную заканадаўчую падтрымку ўсіх рашэнняў і дамоўленасцяў кіраўнікоў дзяржаў», — сказаў Нурлан Нігматулін. Цяпер, на яго думку, неабходна інтэнсіфікаваць абмен вопытам у заканатворчай сферы паміж профільнымі камітэтамі і пастаяннымі камісіямі парламентаў і паміж групамі па супрацоўніцтве.

Уладзімір Андрэйчанка заклікаў парламентарыяў дзвюх краін больш актыўна падключыцца да аднаўлення тавараабароту.

«Вялікая тэма для размовы — нашы гандлёва-эканамічныя адносіны. У цэлым яны развіваюцца нядрэнна, — адзначыў спікер. — Але насцярожвае той момант, што за мінулы год амаль на 30% упаў тавараабарот». На яго думку, гэта не адпавядае магчымасцям дзвюх краін, і рабочым групам, сфарміраваным у парламентах Беларусі і Казахстана, варта сур'ёзна папрацаваць над гэтым пытаннем.

Уладзімір Андрэйчанка таксама праінфармаваў суразмоўца, што напярэдадні ў Мінску было падпісана пагадненне аб правядзенні ў ліпені 26-й летняй сесіі ПА АБСЕ, у сувязі з чым у сталіцу прыбыла старшыня Парламенцкай асамблеі Крысцін Мутонен. Спікер выказаў надзею, што дэлегацыя Казахстана прыме самы актыўны ўдзел у рабоце летняй сесіі.

Сяргей КУРКАЧ

kurkасh@zvіаzdа.bу

Загаловак у газеце: Стратэгічны ўзровень

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.