23 Май, аўторак

Вы тут

Леўчанка выйграла Кубак Турцыі


Беларуская баскетбалістка разам са сваім клубам «Якін Догу» ў фінале Кубка Турцыі адолела саперніц з дружыны «Абдула Гюль Універсітэт» — 77:61 і стала адной з уладальніц прэстыжнага трафея.


Нагадаем, Алена Леўчанка ў лютым з кітайскага «Гуандун» перайшла ў «Якін Догу», які сёння лідзіруе і ў чэмпіянаце Турцыі.

Раней адна з самых паспяховых баскетбалістак краіны гуляла ў Беларусі, ЗША, Расіі, Польшчы, Літве, Славакіі і Іспаніі. Алена выступае за зборную Беларусі з 2001 года і з'яўляецца ўдзельніцай Алімпійскіх гульняў 2008 і 2016 гадоў, чэмпіянату свету ў Чэхіі, а таксама чэмпіянатаў Еўропы 2007, 2009, 2011, 2013 і 2015 гадоў.

Адзначым, што галоўным стартам жаночай зборнай Беларусі па баскетболе ў бягучым сезоне стане ўдзел у чэмпіянаце Еўропы, які з 16 па 25 чэрвеня пройдзе ў Чэхіі. Падапечныя Наталлі Трафімавай згуляюць на папярэдняй стадыі ў групе В з саперніцамі з Італіі (16 чэрвеня), Славакіі (17 чэрвеня) і Турцыі (19 чэрвеня). Зборная, якая зойме першае месца ў групе, выйдзе ў 1/4 фіналу напрамую. За астатнія чатыры месцы ў плэй-оф будуць змагацца зборныя, якія размясціліся на другіх і трэціх радках у чатырох групах.

Дар'я ЛАБАЖЭВІЧ

lobazhevich@zviazda.by

Дадаць каментар

Выбар рэдакцыі

Грамадства

Вясновыя палы на Оталава

Вясновыя палы на Оталава

Адно з найпрыгажэйшых азёр Беларусі — Оталава —  знаходзіцца ва Ушацкім раёне. 

Грамадства

Чаму рыбакі супраць арэнды ўчастка Прыпяці

Чаму рыбакі супраць арэнды ўчастка Прыпяці

Наш карэспандэнт паспрабаваў высветліць, у чым заключаюцца прычыны канфлікту.

Грамадства

​Як аб'яднаць эканамічны рост з экалагічным дабрабытам?

​Як аб'яднаць эканамічны рост з экалагічным дабрабытам?

Гэтае і іншыя пытанні абмеркавалі ўдзельнікі ХІV Рэспубліканскага экалагічнага форуму.

Культура

Прайшоў VІІІ фэст сярэднявечнай культуры «Гальшанскі замак»

Прайшоў VІІІ фэст сярэднявечнай культуры «Гальшанскі замак»

Фестываль у аграгарадку Гальшаны, што на Ашмяншчыне, хоць і валодае статусам рэгіянальнага, ужо каторы год аб'ядноўвае аматараў айчыннай гісторыі з усёй краіны.