30 Май, аўторак

Вы тут

Мацельскі: пытанні па дэкрэце №3 ўзнікаюць з-за дрэннай інфармаванасці


Такое меркаванне выказаў журналістам начальнік галоўнага дзяржаўна-прававога ўпраўлення Адміністрацыі Прэзідэнта Беларусі Андрэй Мацельскі. Ён правёў прыём грамадзян у Салігорскім райвыканкаме.


"Калі б людзі своечасова сталі на ўлік у службу занятасці, то не сутыкнуліся б з неабходнасцю выплаты збору на фінансаванне дзяржаўных выдаткаў. У першую чаргу гэта тычыцца моладзі. Варта больш актыўна праводзіць работу па растлумачэнню патрабаванняў заканадаўства", - лічыць Андрэй Мацельскі. 

Ён звярнуў увагу, што дэкрэт №3 шырока абмяркоўваецца ў грамадстве, але мала гаворыцца пра яго станоўчых баках. У прыватнасці, стабілізавалася сітуацыя на прадпрыемствах, людзі сталі шанаваць працоўнымі месцамі, запоўніліся вакансіі, якія доўгі час былі незапатрабаванымі, знізіліся аб'ёмы ценявой эканомікі. Андрэй Мацельскі падкрэсліў, што дакумент прыняты ў інтарэсах людзей. Ён не прымушае чалавека працаваць, а прадугледжвае салідарны удзел у фінансаванні дзяржаўных выдаткаў. 

"Чаму законапаслухмяныя падаткаплацельшчыкі павінны забяспечваць непрацуючым грамадзянам бясплатную медыцыну, субсідуемыя тарыфы на праезд у грамадскім транспарце, камунальныя паслугі? Разам з тым важны індывідуальны падыход", - сказаў Андрэй Мацельскі. 
Ён адзначыў прадуктыўны характар сённяшняй сустрэчы. У ёй прынялі ўдзел дэпутаты Палаты прадстаўнікоў, старшыня Салігорскага райвыканкаму, прадстаўнікі камісіі, якая разглядае звароты па вызваленні ад выплаты збору. Большасць рашэнняў станоўчыя. Два звароты накіруюць у Мінгарвыканкам і Слуцкі райвыканкам па месцы рэгістрацыі тых, хто звярнуўся. 

Так, мясцовыя ўлады пайшлі насустрач выпускніцы Таццяне, якой наймальнікі адмаўлялі ў працаўладкаванні па спецыяльнасці з-за адсутнасці вопыту. Ёй паабяцалі знайсці працоўнае месца і рэкамендавалі вызваліць ад выплаты збору. З падобнай сітуацыяй сутыкнулася яшчэ адна салігарчанка - дзяўчыне не хапіла месяца, каб не патрапіць пад дзеянне дэкрэта №3. "Я згодная ўдзельнічаць у фінансаванні дзяржвыдаткаў, закон правільны, але лічу несправядлівай налічаную суму. Адпрацаваўшы 152 дні, вымушаная плаціць нароўні з тымі, хто не працаваў. Устаноўленая заканадаўствам методыка ўлічвае памер выплачанага падаходнага падатку, пры невысокай зарплаце памер збору памяншаецца нязначна", - сказала яна.

БЕЛТА

Дадаць каментар

Выбар рэдакцыі

Грамадства

Ад апошніх званкоў да выпускных вечароў

Ад апошніх званкоў да выпускных вечароў

Для 87 тысяч дзевяцікласнікаў і амаль што 58 тысяч адзінаццацікласнікаў сёння прагучыць апошні званок, які, між іншым, азначае зусім не кропку, а новы этап у іх жыцці. 

Культура

Свята народнай творчасці чарговы раз прайшло на Аўгустоўскім канале

Свята народнай творчасці чарговы раз прайшло на Аўгустоўскім канале

Свята «Аўгустоўскі канал запрашае сяброў» з кожным годам становіцца больш змястоўным і захапляльным.

У свеце

Ці здолее Грэцыя выкараскацца са шматгадовага крызісу?

Ці здолее Грэцыя выкараскацца са шматгадовага крызісу?

На пасяджэнні ўплывовага Савета міністраў фінансаў краін еўразоны ў Бруселі было абмеркавана пытанне выдзялення Афінам чарговага траншу.

Грамадства

Рак лячыць усё цяжэй?

Рак лячыць усё цяжэй?

У Мінску не так даўно адбылася 1-я міжнародная канферэнцыя па пытаннях анкагінекалогіі і анкаўралогіі.