Вы тут

Ва Узброеных Сілах праходзіць праверка ўзроўню баявой гатоўнасці


Праводзіцца яна не толькі з мэтай ацэнкі элементаў баявой падрыхтоўкі і сістэм забеспячэння беларускай арміі, а і дзеля таго, каб павысіць боегатоўнасць злучэнняў і вайсковых часцей.


Згодна з задумай, падчас праверкі задзейнічаны вайсковыя часці і падраздзяленні шматлікіх родаў войскаў і спецыяльных войскаў. Акрамя таго, прадугледжана праверка сістэмы супрацьпаветранай абароны. Выканаць пастаўленыя задачы паспрабуюць прадстаўнікі больш чым 30 вайсковых часцей і падраздзяленняў, з запасу прызвана амаль 3 тысячы ваеннаабавязаных.

— Гэта планавае мерапрыемства, але для некаторых злучэнняў, вайсковых часцей і арганізацый Узброеных Сіл, безумоўна, яно будзе раптоўным, — адзначыў начальнік Генеральнага штаба Узброеных Сіл — першы намеснік міністра абароны Беларусі генерал-маёр Алег БЕЛАКОНЕЎ. — Асаблівасцю гэтай праверкі з'яўляецца тое, што яна дастаткова працяглая па часе, праводзіцца на шматлікіх узроўнях, паэтапна, з нарошчваннем сіл і сродкаў.

Складанасць у тым, што мерапрыемствы адбываюцца ў зімовых умовах, што дасць нам магчымасць у поўным аб'ёме праверыць усю сістэму функцыянавання тылавога і тэхнічнага забеспячэння, здольнасць вайсковых часцей забяспечыць жыццядзейнасць сваіх «арганізмаў». Распрацавана дастаткова дынамічная абстаноўка, якая паставіць службовых асоб у складаныя рамкі ў ходзе прыняцця рашэнняў.

Вераніка КАНЮТА

kanyuta@zvіazda.by

Загаловак у газеце: Праверка гатоўнасці

Дадаць каментар

Выбар рэдакцыі

Культура

Топ беларускіх дыялектызмаў, якія вы маглі не ведаць

Топ беларускіх дыялектызмаў, якія вы маглі не ведаць

Нязвыклая форма — заўсёды штуршок для пошуку.

Культура

Як мог выглядаць Мінск? Ведае беларускі архіў

Як мог выглядаць Мінск? Ведае беларускі архіў

Дзе замежнікі вывучаюць савецкую архітэктуру.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.